بە پێی ڕاپۆرتی جام کوردی، ئێحسان عەبدولجەبار بە ئاماژە بە سەردانی شاندی دانوستانکاری هەرێمی کوردستان بۆ بەغدا وتی کە دوو بژاردە بۆ چارەسەرکردنی کێشەی نەوت و بودجە لە نێوان حکومەتی ناوەند و حکومەتی هەرێم باس کراوە کە هەر یەک لەو بژاردانە لە لایەن پەرلەمانەوە پەسەند بکرێت وەزارەتی نەوت جێبەجێی دەکات.
ناوبراو لە شرۆڤەی ئەو دوو بژاردەیە وتی کە یەک لەوان ئەوەیە کە هەرێمی کوردستان بڕی ڕۆژانە 460 هەزار بەرمیل نەوت ڕادەستی حکومەتی ناوەند بکات، ئەمەش کۆی دەرهێنان و خەرجییەکانی لە خۆ دەگرێت.
وەزیری نەوتی عێراق وتی کە بژاردەی دووەم ئەوەیە بەغدا بڕی 250 هەزار بەرمیلی رۆژانە لە هەرێم وەربگرێت و خۆی بیفرۆشێت یان بەهاکەی بە نرخی سۆمۆ وەربگرێت./.
