بە پێی ڕاپۆرتی جام کوردی، لە کاتێکدا هەمووان وایان دەزانی ئەلیخاندرۆ بالدی دەبێتە یەکێک لە گرنگترین یاریزانانی بەرشەلۆنە بۆ یاری بەرامبەر ئینتەر، بەڵام دوایین هەواڵەکان ئامادەبوونی ئەو لە یاریی سێشەممە بەتەواوی ڕەتدەکاتەوە. ڕۆژنامەنووس جیرارد ڕۆمێرۆ، یەکەم کەس بوو کە ئامادەنەبوونی بالدی ڕاگەیاند، ئەم زانیاریانە دواتر لەلایەن میدیا وەرزشییەکان پشتڕاست کرایەوە.
ئامادەنەبوونی بالدی کێشەیەکی گەورەیە بۆ هانسی فلیک. ئاگادارکردنەوەکان سەبارەت بە بالدی لە ڕۆژی پێنجشەممەوە دەستیپێکرد، کاتێک بڕیار بوو بەشداری لە ڕاهێنانی وەرزشی تیپەکە بکات. بەڵام ورەی ئەو بەتەواوی باش نەبوو و پێدەچوو هەندێک کێشەی هەبێت. ئێستا پلانی دەستبەجێ تەرکیز لەسەر چاکبوونەوەی بۆ ئێل کلاسیکۆی هەفتەی داهاتووە.
لە بەرامبەردا، ڕۆبێرت لیڤاندۆڤسکی بە دڵنیاییەوە لە تیپەکەدا ئامادە دەبێت. پێشبینی دەکرێت ئەم هێرشبەرە ڕۆژی یەکشەممە لە ڕاهێنانی وەرزشی بەشداری بکات و پێدەچێت لە نێوان 25 بۆ 30 خولەک یاری بکات. بەڵام چاکبوونەوەی لیڤاندۆڤسکی بە چاکبوونەوەیەکی سەڕسورهێنەر وەسف کراوە، چونکە ئامادەیە دوای دوو هەفتە بگەڕێتەوە بۆ ناو یاریگا دوای ئەوەی تووشی پێکانێکی سەخت لە قاچی چەپی بوو./.
