بە پێی ڕاپۆرتی جام کوردی، سەعید خەتیب زادە وتەبێژی وەزارەتی دەرەوەی ئێران لە وتووێژی لە گەڵ کەناڵی جزیرەی قەتەر وتی کە ئەگەر ئەمریکا و وڵاتانی ئەورووپی لە ڕێکەوتنی ناوەکی بەڵێنەکانیان جێبەجێ بکەن ئێرانیش بە هەمان شێوە بۆ بەڵێنەکانی خۆی دەگەڕێتەوە و هیچ پێویست بە دانوستانی نوێ بۆ گەڕانەوەی ئەمریکا بۆ ئەو ڕێکەوتنە ناکات.
ناوبراو وتی کە دیپلۆماسی باشترین ڕێگای چارەسەرکردنی دۆسیەی ناوەکی ئێرانە و تاران وەڵامێکی گونجاوی بۆ دەستپێشخەری کرداری دەبێت و ئەوە ئەمریکایە کە دەبێت سەرەتا بۆ ڕێکەوتنی ناوەکی بگەڕێتەوە و پاشان دەتوانین دانوستان بکەین.
وتەبێژی وەزارەتی دەرەوەی ئێران وتی کە هیچ گۆڕانکارییەک لە سیاسەتی ئەمریکادا بەدی نەکراوە./.
