بە پێی ڕاپۆرتی جام کوردی، حەسەن کەعبی ڕایگەیاند کە پەرلەمانی عێراق یاسایەک بۆ دادگایەکی تایبەت بە سزادانی ئەندامانی گرووپی تیرۆریستی داعش پەسەند دەکات.
ناوبراو وتی کە دەبێت چارەنووسی تاوانەکانی داعش و سزادانی ئەندامەکانی ئەم گرووپە تیرۆریستییە یەکلایی بکرێتەوە.
کەعبی وتی کە لێژنەی یاسایی پەرلەمان ڕەشنووسی ئەو یاسایە بەرەو کۆتایی دەبات و ئەو یاسایەش پەیامێکە بۆ سەرجەم ئەو هاوبەشانەی عێراق کە لە شەڕەی بەرەنگاربوونەوەی داعش لە گەڵمان بوون.
جێگری سەرۆکی پەرلەمانی عێراق وتی کە ئەمە یەکەم دادگا دەبێت کە ئەندامانی داعش سزا دەدات./.
