بە پێی ڕاپۆرتی جام کوردی، ماریا زاخارووا وتەبێژی وەزارەتی دەرەوەی ڕووسیا لە دژی سزادانی چەند کەس و کۆمپانیایەکی وڵاتەکەی لە لایەن وەزارەتی گەنجینەی ئەمریکاوە هاتە دەنگ.
ناوبراو وتی کە بەکارهێنانی دۆسیەی ئەلکسی ناڤاڵنی تەنیا بیانوویەکە بۆ بەردەوامی دەستێوەردانی ئاشکرا لە کاروباری ناوخۆیی ڕووسیا.
زاخارووا وتی: ئەم سیاسەتەی ئیدارەی نوێی ئەمریکا بە لای ئێمەوە قبووڵکراو نییە و هەڵوێستی بەرامبەرمان دەبێت.
وتەبێژی وەزارەتی دەرەوەی ڕووسیا وتی کە ئەمریکا لە گەڵ یەکێتی ئەورووپا درێژە بە سیاسەتی دوژمنکارانەی خۆیان دەدەن./.