بە پێی ڕاپۆرتی جام کوردی، کەناڵی تەلەگرامی سابرین نیوز ڕایگەیاندووە کە بنکەی سەربازی عەین ئەسەد لە پارێزگای ئەنبار لە ڕۆژئاوای عێراق کراوەتە ئامانجی هێرشێکی ڕۆکێتی.
پێگەی شەفەق نیوز بە هەمان شێوە لە سەر زاری سەرچاوەیەکی ئەمنی وێڕای پشتڕاستکردنەوەی هەواڵەکە، ڕایگەیاندووە کە چوار ڕۆکێت ئاراستەی بنکەی عەین ئەسەد کراوە.
کەناڵی جزیرەش لە سەر زاری سەرچاوە ئەمنییەکانی عێراق ڕایگەیاندووە کە 10 ڕۆکێت ئاراستەی ئەو بنکەی هێزەکانی ئەمریکا کراوە.
ئاژانسی فەرمی عێراقیش هەندێک زانیاری بڵاو کردووەتەوە و ڕایگەیاندووە کە هێرشەکەی سەر عەین ئەسەد بە 10 ڕۆکێت بووە./.
