بە پێی ڕاپۆرتی جام کوردی، حکومەتی ئەمریکا بە سەرۆکایەتی جۆبایدن خۆی بۆ سزادانی بەرپرسانی پێشوو و ئێستای میانمار ئامادە دەکات. واشنتن ئەوانی بەوە تۆمەتبار کردووە کە دەستیان لە کودەتاکەی ئەم دواییەدا هەبووە.
ئەمەش یەکەم بڕیاری سزادانی ئابورییە لە لایەن جۆبایدنەوە لە 20 ی کانوونی دووەمی 2021 کە دەسەڵاتی ئەمریکای بە دەستەوە گرتووە.
بەرپرسێکی ئاگادار لە حکومەتی ئەمریکا ڕایگەیاندووە کە بڕیارەکەی بایدن ئەو دامەزراوە بازرگانی و ئابورییانەی میانمار دەگرێتەوە کە پەیوەندییان بە کودەتاچییەکانەوە هەیە./.
