بەپێی ڕاپۆرتی جام کوردی بە گێڕانەوە لە مێهر، محەمەدڕەزا ڕۆستەم پوور وتی: چوارەمین مێهرەجانی چیرۆک بێژی دەنگیی “چروو” لە سەر تەوەری چیرۆکە خۆجەییەکان و ڕوانینێک بۆ چیرۆکە تەوزەکان لە کەشی مەجازی بەڕێوە دەچێت.
ئەو بە ئاماژە بەوەی کە ناوی 14 کەس لە چیرۆک بێژان وەکوو هەڵبژێردراوی ئەم مێهرەجانە ڕاگەیێندراون، هۆکاری ناونانی ئەوەی بەم شێوە گێڕایەوە: چروو لە زمانی کوردی ئیلامیدا بە واتای نەمامی تازەلاوە کە هیوا بە گەورەبوونیان زۆرە و هێنانی ئەم وشە لە کۆتایی چیرۆکەکانی ئیلامدا باوە.
ناوبراو وتیشی: چیرۆک بێژی لە ئیلام وەکوو چالاکییەکی گرینگ لە هەموو ناوەندەکانی پارێزگا بەڕێوە دەچێت و هەموو ساڵێک چیرۆک بێژانێک لە ئیلام دەچنە ڕیزی هەڵبژێردراوانی چیرۆک بێژی وڵات کە نیشاندەری توانایی ئەوان لە هونەری چیرۆک بێژییە.
ڕۆستەم پوور ڕوونی کردەوە: ناوەندی پەروەردەی هزری منداڵان و تازە لاوانی ئیلام زیاتر لە 44 بەرنامەی فەرهەنگی، ئەدەبی و هونەری بە بۆنەی چل و دووهەمین ساڵوەگەڕی سەرکەوتنی شۆڕشی ئیسلامی بەڕێوە دەبات.
ناوی ڕۆحەنگیز سوهرابی، رۆیا هەواس بەیگی، زەهرا فەرهادیان، ئیراندۆخت هاشمی، ئارزوو گەوهەری، تووران فەلاحی، کەرەم ئەڵا سەبزی، محەمەد زەینی وەند، مریەم بەساتی، نگار داودی، سەبا بەهارپوور، عەرشیا نەزەری و ئاتنا مووسابەیگی وەکوو هەڵبژێردراوی ئەم مێهرەجانە ڕاگەیندراوە.
