عه‌دنان که‌ریم: محه‌مه‌دی ماملێ شوناسی موسیقای کوردییە

بەپێی ڕاپۆرتی جام کوردی، دەقی نووسینەکەی مامۆستا عەدنان کەریم بۆ ساڵیادی کۆچی دوایی مامۆستا محه‌مه‌دی ماملێ بە شێوەی خوارەوەیە:
قه‌تارێک هاتووه گه‌وهه‌ر باریه‌تی خورشیدی خاوه‌ر سه‌رقه‌تاریه‌تی
مامۆستا «محه‌مه‌دی ماملێ» شوناسی موسیقای کوردی و ده‌نگی زوڵاڵ و به‌رزی موکریان و کوردستانه؛ ناو و یادی ماملێ تا ئه‌و ڕۆژه‌ی کوردێک مابێت به زیندوویی ده‌مێنێته‌وه‌و ئه‌و ئه‌شق و ئه‌وینه‌ی ئه‌و بۆ مۆسیقاو هونه‌ر هەیبوو وایکرد خۆی و هونه‌ره‌که‌ی له دڵی تاک به تاکی خه‌ڵکی کورد دا تا هه‌میشه به زیندوویی بمێنێته‌وه.
ئه‌و گوڵه‌ی مه‌شهوری گشت عاله‌م بوو کوا یادی به‌خێر
مه‌یلی وی ده‌رمانی دەردی من بوو کوا یادی بەخێر
“عه‌دنان که‌ریم”
٣ی ڕێبەندانی ٢٧٢١کوردی