بەڕێوەبەری کاروباری پێشانگاکان لە پارێزگای کرماشان ڕایگەیاند کە حەوتەمین پێشانگای تایبەتی مۆبێلات لەمڕۆ دووشەممە لە شوێنی هەمیشەیی پێشانگا نێودەوڵەتییەکانی کرماشان کراوەتەوە.
بە پێی ڕاپۆرتی جام کوردی، بەنەفشە ئیمامی نیا بە پەیامنێری جام کوردیی ڕاگەیاند کە ئەم پێشانگایە تا 23 ی کانوونی دووەم کراوەیە و بە بەشداری وەبەرهێنەران و فرۆشیارانی مۆبێلاتی پارێزگای کرماشان و هاوکاری یەکێتی پەیوەندیدار لە ڕوبەرێکی 2 هەزار مەتری بە ڕەچاوکردنی ڕێکارە تەندرووستییەکان بەردەوام دەبێت.
ناوبراو وتی: ئەمڕۆ بە پێی حەز و خواستی خەڵک و ئەو گۆڕانکارییەی کە لە شێوازی ژیان و شوێن و نێوماڵی ئەواندا دەبینرێت، پیشەسازی مۆبێلات گەشەی کردووە و پێشانگاکان بە شوێنی ناساندنی بەرهەمی نوێی ئەم پیشەسازییە هەژمار دەکرێت.
بەڕێوەبەری کاروباری پێشانگاکان لە پارێزگای کرماشان وتی: بە هۆی پێشوازی خەڵک و بەرزکردنەوەی ئاستی کوالیتی و زانستیی وەبەرهێنەران و بە ئامانجی ناساندنی نوێترین بەرهەمەکان بیرمان لە کردنەوەی ئەم پێشانگایە کردەوە.
ئیمامی نیا لە درێژەدا وتی: 55 بەشداربووی پارێزگای کرماشان نوێترین بەرهەمەکانی خۆیان لە ماوەی بەڕێوەچوونی پێشانگاکە دەخەنە بەردەم خەڵک.
وتیشی: ئاشنایەتی خەڵک لە گەڵ دوایین و نوێترین بەرهەمەکان و دەسکەوتەکانی ئەم پیشەسازییە، پەیوەندی ڕاستەوخۆی نێوان وەبەرهێنەران و خەڵک، دابینکردنی کەشی کێبەڕکێی نێوان وەبەرهێنەران و ئاسانکاری بۆ دەسخستنی پێداویستییەکانی خەڵک لە ڕیزی گرنگترین ئامانجەکانی کردەوەی حەوتەمین پێشانگای مۆبێلاتی کرماشانە.
پێشانگای نێودەوڵەتی کرماشان کەوتووەتە جوتسایدی شەهید بەهەشتی، کۆتایی پارکی شاهد و لە ڕۆژانی بەڕێوەچوونی ئەم پێشانگایە لە کاتژمێر 3 تا 8 ی ئێوارە بە ڕووی خەڵکدا کراوە دەبێت.
