بە پێی ڕاپۆرتی جام کوردی، لە کۆنگرەیەکی ڕۆژنامەوانیدا شێخ مستەفا عەبدولڕەحمان سەرۆکی یەکێتی هاوردە و ناردنکارانی هەرێمی کوردستان ڕایگەیاند کە لە هەرێمی کوردستان 30223 کۆمپانیا هەیە کە 3314 یان بیانی و 26906 کۆمپانیای ناوخۆییە.
ناوبراو وتی کە سەرەڕای قەیرانی دارایی، لە ساڵی 2020 لە هەرێمی کوردستان 813 کۆمپانیا دامەزراوە.
وتیشی کە لە ساڵی 2020 موڵەت بە دامەزراندنی 164 کارگە دراوە و بە گشتی لە کوردستان 3851 کارگە موڵەتیان وەرگرتووە و 24114 هەلی کار لە لایەن ئەو گارکانەوە ڕەخساوە.
شێخ مستەفا عەبدولڕەحمان لە درێژەدا وتی: ساڵی 2020 بە بڕی زیاتر لە 4 ترلیۆن دینار موڵەتی هاوردە دراوە.
ناوبراو وتی کە لە ساڵی ڕابردوو بەرهەمەکانی وەک ترێ، هەنار، گوێز، هەنگوین و ئاوی کانزایی و چەند بەرهەمێکی دیکە ڕەوانەی دەرەوەی عێراق کراوە.
سەرۆکی یەکێتی هاوردە و ناردنکارانی هەرێمی کوردستان وتی: ساڵی 2020 لە بوارەکانی پیشەسازی خۆراک و کشتووکاڵ و گەشتوگوزار 74 موڵەت دراوە و بە پێی پلانی دە ساڵەش تا 2030 بڕیارە کە 1055 پرۆژە جێبەجێ بکرێت کە 461 پرۆژەیان لە بواری پیشەسازی خۆراکە.
