بە پێی ڕاپۆرتی جام کوردی، لە درێژەدا باس لە تایبەتمەندییە سەرسوڕهێنەرەکانی ئەم خواردنە دەکرێت:
- بەهێزکردنی سیستەمی بەرگری لەش:
خواردنی سیر بە گەدەی بەتاڵ ڕۆڵێکی گرنگی هەیە لە بەهێزکردنی سیستەمی بەرگری لەش بە هۆی تایبەتمەندی دژە بەکتریا و دژە ڤایرۆس و دژە قارچکی. ئاوێتە گۆگردەکانی ناو سیر وەکو ئەلیسین، بە بەهێزکردنی خانەکانی بەرگری لەش زیاتر بەرگری لە هەوکردن دەکات.
- دابەزاندنی پەستانی خوێن:
یەکێک لە تایبەتمەندییە دیارەکانی سیر توانای ڕێکخستنی پەستانی خوێنە. خواردنی بە گەدەی بەتاڵ دەبێتە هۆی کەمکردنەوەی بەرزی پەستانی خوێن و کەمکردنەوەی ئەگەری تووشبوون بە نەخۆشییەکانی دڵ.
- پاککردنەوەی جگەر:
سیر تایبەتمەندی ژەهراویکردنی هەیە و دەتوانێت یارمەتی پاککردنەوەی جگەر بدات لە ڕێگەی لابردنی ژەهرەکان لە جەستەدا. خواردنی سیر بە گەدەی بەتاڵ جگەر هان دەدات بۆ بەرهەمهێنانی ئەنزیمە پێویستەکان بۆ نەهێشتنی پاشماوە.
- باشترکردنی کۆئەندامی هەرس و تەندروستی هەرس:
وەک پرۆبایۆتیکێکی سروشتی، سیر یارمەتیدەرە بۆ هاوسەنگکردنی فلۆرا میکرۆبیەکانی ڕیخۆڵە و باشترکردنی کارکردنی کۆئەندامی هەرس. خواردنی بە گەدەی بەتاڵ دەبێتە هۆی کەمکردنەوەی کێشەکانی وەک ئاوسانی سک و قەبزی.
- کەمکردنەوەی کۆلیسترۆڵ و چەوری خوێن:
بە کەمکردنەوەی ئاستی کۆلیسترۆڵی خراپ و زیادکردنی کۆلیسترۆڵی باش، سیر ئەگەری تووشبوون بە نەخۆشییەکانی دڵ و خوێنبەرەکان کەمدەکاتەوە.
- باشترکردنی تەندروستی پێست و قژ:
خواردنی سیر بە هۆی تایبەتمەندی دژە ئۆکسانییەوە، یارمەتیدەرە بۆ گەنجکردنەوەی پێست و کەمکردنەوەی چرچ و لۆچی و بەهێزکردنی ڕەگی قژ. هەروەها ئەم مادەیە ڕێگری لە زیپکە دەکات بە کەمکردنەوەی هەوکردنی لەش.
- بەرەنگاربوونەوەی هەوکردنەکان:
سیر تایبەتمەندی دژە هەوکردنی هەیە و یارمەتی کەمکردنەوەی هەوکردنی ناوەوە و دەرەوەی جەستە دەدات. خواردنی بەیانیان بە سکی بەتاڵ یارمەتی چارەسەرکردنی کێشەکانی هەناسەدان و کەمکردنەوەی هەوکردن دەدات./.
