جام کوردی:
هێرشه‌کانی ڕووسیا بۆ سه‌ر بنکه و مۆڵگه‌کانی داعش له سوریا و به‌کارهێنانی چه‌که پێشکه‌وتووه‌کان، تا ئێستا بووه‌ته هۆکاری هه‌ڵهاتنی ژماره‌یه‌کی زۆر له ئه‌ندامانی ئه‌و گرووپه تیرۆریستییه.
ئسپۆتنیک ڕایگه‌یاندووه، ڕووسیا له سه‌ره‌تای شه‌ڕی دژ به تیرۆر له سوریا به چه‌ندین چه‌کی جۆربه‌جۆر و پێشکه‌وتووی به‌کارهێناوه. وه‌زاره‌تی به‌رگری ڕووسیا له چه‌ند ڕۆژی ڕابردوو، سیستمه‌ی موشه‌کی اس 400ی به مه‌به‌ستی دابین کردنی ئاسایشی فڕۆکه ڕووسییه‌کان، به‌ره‌و بنکه‌ی ئاسمانی حه‌میمیم له سوریا ناردووه.
