بە پێی ڕاپۆرتی جام کوردی، سەڵاح تەمیمی ئەندامی لێژنەی ئاسایش و بەرگری پەرلەمانی عێراق وتی کە جێگیرکردنی هێز لە سنورە هاوبەشەکان لە گەڵ ئێران، بڕیارێکی درووستە.
ناوبراو وتی کە جێگیرکردنی ئەم هێزانە لە پێناو پاڵپشتییە لە ئاسایشی نیشتمانیی عێراق، لە بەر ئەوەی کە ئەو گرووپانە لە سنورەکاندان عێراقی نین و کێشە بۆ ئەم وڵاتە و وڵاتانی دراوسێ دەخوڵقێنن.
تەمیمی لە درێژەدا وتی کە بە جێگیرکردنی هێز لە سنورە هاوبەشەکان لە گەڵ ئێران، ئاسایشی ناوچە سنورییەکان باشتر دەبێت و هێزە چەکدارە نایاساییەکان لەو ناوچانە بوونیان نامێنێت و حکومەتی عێراق دەسەڵاتی بۆ کۆنتڕۆڵکردنی سنورەکانی خۆی زیاتر دەبێت.
ئەندامی لێژنەی ئاسایش و بەرگری پەرلەمانی عێراق هەروەها ڕایگەیاند کە جێگیرکردنی هێز لە ناوچە سنورییەکان لە لایەن خەڵکی ئەو ناوچانەوە پێشوازی لێکراوە و ئەوان بە هۆی گرووپە چەکدارەکانەوە چەندین ساڵە تووشی کێشە و گرفت بوون و ئەم دۆخەش کاریگەری نەرێنیی لە سەر ژیان و گوزەرانی ئەوان دانابوو./.
