بە پێی ڕاپۆرتی جام کوردی، حوسێن ئەمیر عەبدوڵڵاهیان لە وتووێژێکدا بە بۆنەی سێهەم ساڵیادی تیرۆری شەهیدان سولێمانی و موهەندیس وتی کە ئەمریکییەکان ئاستەنگ دەخەنە بەردەم کاروباری ئەو لێژنەیە بەدواداچوون بۆ دۆسیەی تیرۆری ئەو شەهیدانە دەکات.
ناوبراو وتی: نزیکەی 60 کەس لە بەرپرسانی ئەمریکا دەستیان لە تاوانی تیرۆری شەهیدان سولێمانی و موهەندیسدا هەبووە کە کەوتوونەتە لیستی ڕەشی ئێران و لە دانوستانەکاندا داوای ئەوەیان کردووە کە ناوی ئەو 60 کەسە لە لیستی ڕەشی ئێران دەربهێندرێت.
ئەمیر عەبدوڵڵاهیان بە ئاماژە بە تایبەتمەندییەکانی شەهید سولێمانی وتی: شەهید سولێمانی ژنڕاڵێک بوو کە گرنگیی بە کاروباری دیپلۆماسی دەدا و بە بێ هاوئاهەنگی لە گەڵ دەزگای دیپلۆماسی ئێران، لە گەڵ بەرپرسانی وڵاتانی دیکە کۆنەدەبووە./.
