بە پێی ڕاپۆرتی جام کوردی، جواد هنداوی باڵیۆزی پێشووی عێراق لە یەکێتی ئەورووپا و بەڕێوەبەری سەنتەری توێژینەوە ستراتیژییەکانی عەرەبی – ڕۆژئاوا لە برۆکسێل، سەبارەت بە ڕۆڵی شەهیدان حاجی قاسم سولێمانی و ئەبومەهدی موهەندیس لە دابینکردنی ئاسایش و گەڕانەوەی سەقامگیری بۆ عێراق وتی: هیچ کەس لە دۆست و دوژمن ناتوانێت حاشا لە هەوڵ و دەسکەوتەکانی شەهیدان سولێمانی و موهەندیس بکات، ئەو تێکۆشانەی کە ئەو دوو شەهیدە بۆ عێراق و لە ڕاستیدا لە پێناو ئاسایشی ناوچەکە و خەڵکەکەی کردوویانە، ئەوان خوێنی خۆیان بەخت کرد تا لە باکورەوە تا باشوری عێراق، بەرگری لە خاک و خەڵکەکەی بکرێت.
ناوبراو وتی: مێژوو شایەتحاڵی چاکەی ئەو دوو شەهیدە و میراتی تێکۆشانەکانی ئەوانە و پاداشتی ئەوان لای خودای گەورە، بەهەشت دەبێت. ئێمە وەک گەلێکی موسڵمان شانازی بە دەسکەوتەکانی ئەوانەوە دەکەین و دەبێت جیلی داهاتوو وەها پەروەردە بکەین کە ئەو شەهیدانە وەک نموونە و ڕێنمای ئەوان بن و بتوانن بەرگری لە بنەما، پیرۆزییەکان، نیشتمان و زوڵملێکراوانی کۆمەڵگا بکەن، خوێنی ئەوان مایەی سەرکەوتنەکانی داهاتوو و مەشخەڵی ڕێنمای خۆڕاگری و ڕزگارین./.
