بە پێی ڕاپۆرتی جام کوردی، لەو پرۆژە پێشنیارکراوەشدا هاتووە کە بودجەی گشتیی ئێران لە ساڵی 1401 ی کۆچی هەتاوی (2022) زیاتر لە 3600 هەزار ملیار تمەنە کە لەو ڕێژەیەش 2200 هەزار ملیار تمەن بودجەی کۆمپانیا حکومییەکان و 1500 هەزار ملیار تمەن بودجەی گشتی حکومەتە.
هەروەها سەرچاوە گشتییەکان زیاتر لە 1370 هەزار ملیار تمەن و داهاتی تایبەتی وەزارەتەکان 133 هەزار ملیار تمەن خەمڵێندراوە.
ئەم پرۆژە پێشنیارکراوەی حکومەت پاش پەسەندکردنی لە لایەن پەرلەمان و ئەنجومەنی چاودێری دەستووری ئێرانەوە دەبێتە پرۆژە یاسای بودجەی ساڵی 1401 و لە لایەن حکومەتەوە دەخرێتە بواری جێبەجێکردن./.
