بەپێی ڕاپۆرتی جام کوردی بە گێڕانەوە لە پەیوەندیە گشتیەکانی کورتە فیلمی «سنگبال» لە دەرهێنانی ئەمین سەحرایی لە نوێترین بەشدار بوونی نێو دەوڵەتی خۆیدا بوو بە بەربژێری خەڵاتی گەورەی بیست و دووهەمین فێستیڤاڵی نێودەوڵەتی فیلمی هانووفری ئەڵمانیا.
ئەم فیلمەلە نێوان سێ هەزار و سێسەد فیلم هەڵبژێردراوە و بە نوێنەرایەتی ئێران لە گەڵ دەرهێنەرانی 32 وڵاتی تر وەک ئەمریکا، کەنەدا، بەلجیکا، ڕووسیا و… دەکەوێتە کێبڕکێ.
فێستیڤاڵی فیلمی هانووفر هەموو ساڵێک بە ئامانجی دۆزینەوەی بەهرە تازەکان لە جیهاندا، بەڕێوە دەچێت و ئەمساڵ فیلمە هەڵبژێردراوەکان لە 22 تا 28ی نۆڤەمبەر لەم فێستیڤاڵە ئەڵمانیەدا دەکەونە کێبڕکێ.
فیلمی«سنگبال» لە نووسین و دەرهێنانی ئەمین سەحرایی پێشتر خەڵاتی ناوخۆیی و نێودەوڵەتی زۆری وەرگرتوە وەک خەڵاتی باشترین سیناریۆی «دارالفنون» لە فێستیڤاڵی فیلمی فەجر.
چیرۆکی فیلمی«سنگبال» هێمای ئەو مرۆڤانەیە کە باڵیان لە منداڵی قرتاوە و ڕێگایەکیان بۆ هەڵفڕین نەماوە.