بە پێی ڕاپۆرتی جام کوردی، قەیس خزعەلی جەختی لە سەر بەهێزبوونی ئیرادەی عێراقییەکان بۆ مانەوەی ڕێکخراوی حەشدی شەعبی کردەوە.
ئەمینداری گشتی بزوتنەوەی عەسائیبی ئەهلی حەق وتی: داواکاری خەڵکی عێراق سەرکەوتنی ئەو کاندیدانەیە کە بڕوایان بە بەهێزبوونی حەشدی شەعبی هەیە و لاوازی یان هەڵوەشانەوەی ڕەتدەکەنەوە.
ناوبراو وتی: حەشدی شەعبی و عێراقییەکان و سەرکردەکانی لە یەک گۆڕەپان لە بەرامبەر دەستێوەردانەکانی ئەمریکادان و هەر پیلانێک بۆ ئاساییکردنەوەی پەیوەندییەکان لە گەڵ ڕژێمی زایۆنیستی ڕەتدەکەنەوە.
وتیشی کە بە ملیۆنان خەڵکی عێراق ئەمجارەش لە سەر ئەو پەیامەی مەرجەعیەتی باڵا، وشیارانە و بەرپرسیارانە بەشداری لە هەڵبژاردنەکاندا دەکەن و بەو کەسانەش دەنگ نادەن کە داوای مانەوەی هێزە داگیرکەرەکانی ئەمریکا و ئاساییکردنەوەی پەیوەندییەکان لە گەڵ ڕژێمی زایۆنیستی دەکەن./.
