بە پێی ڕاپۆرتی جام کوردی، سەید ڕوحوڵا لەتیفی وتەبێژی ڕێکخراوی گومرکی ئێران ڕایگەیاند: بازرگانی دەرەکی نانەوتی ئێران لە وەرزی بەهار گەیشتە 38 ملیۆن و 379 هەزار تەن کاڵا و بە بڕی 20 ملیار و 902 ملیۆن دۆلار کە 16 ملیۆن و 136 هەزار تەن بە بڕی 8 ملیار و 57 ملیۆن دۆلاری تەنیا لە مانگی سێهەمی ئەمساڵی کۆچی هەتاوی بووە.
ناوبراو وتی: لەم ڕێژەیەی بازرگانی دەرەکی لە مانگی سێهەمی ئەمساڵ، 13 ملیۆن و 87 هەزار تەن بە بڕی 4 ملیار و 369 ملیۆن دۆلار هەناردەی کاڵای ئێرانییە و ئەوی دیکەی بە کێشی 3 ملیۆن و 49 هەزار تەن، بە بڕی 3 ملیار و 688 ملیۆن دۆلار پەیوەندی بە هاوردەی کاڵا بۆ وڵاتەوە هەیە.
لەتیفی لە شرۆڤەی ئەمەدا وتی: سەرەڕای گەشەی لە سەدا 69 ی هەناردە لە ڕووی بایەخەوە بە گشتی سێ مانگەی وەرزی بەهار، بەراورد بەم ماوەیە لە ساڵی ڕابردوو، لە مانگی سێهەم بەراورد بە مانگی دووەم بە 4 ملیۆن و 508 هەزار تەن کاڵای زیاتر و یەک ملیار و 17 ملیۆن دۆلار فرۆشتنی زیاتر، گەشەی لە سەدا 52 لە ڕووی کێشەوە و هەروەها گەشەی لە سەدا 30 لە ڕووی بایەخەوە تۆمار کراوە، بەڵام لە کەرتی هاوردە لە مانگی سێهەم بەراورد بە مانگی دووەم 272 هەزار تەن کاڵای کەمتر و 43 ملیۆن دۆلار کاڵای کەمتر هاوردە کراوە کە لە سەدا 8 لە ڕووی کێشەوە و لە سەدا یەک لە ڕووی بایەخەوە کاڵا کەمتر هاوردە کراوە.
وتەبێژی ڕێکخراوی گومرکی ئێران سەبارەت بە گرنگترین وڵاتانی ئامانج بۆ کەرتی هەناردە لە مانگی سێهەمی ساڵی 1400 ی کۆچی هەتاوی، وتی: لە سێهەم مانگی ئەمساڵ، عێراق بە 6 ملیۆن و 488 هەزار تەن بە بڕی یەک ملیار و 391 ملیۆن دۆلار، چین بە 2 ملیۆن و 450 هەزار تەن بە بڕی یەک ملیار و 91 ملیۆن دۆلار، ئیمارات بە یەک ملیۆن و 25 هەزار تەن بە بڕی 426 ملیۆن دۆلار، ئەفغانستان بە 475 هەزار تەن بە بڕی 205 ملیۆن دۆلار و تورکیا بە 279 هەزار تەن بە بڕی 205 ملیۆن دۆلار، پێنج ئامانجی یەکەمی هەناردەی کاڵای ئێرانی بووە کە بە زیاترکردنی ئاماری هەناردەی گاز بۆ عێراق، ئەم وڵاتە لە مانگی سێهەمی ساڵی 1400 بووەتە یەکەم ئامانجی کاڵای هەناردەکراوی ئێران.
ناوبراو لە درێژەدا وتی: ئیمارات بە یەک ملیۆن و 111 هەزار تەن کاڵا بە بڕی یەک ملیار و 327 ملیۆن دۆلار، چین بە 222 هەزار تەن بە بڕی 729 ملیۆن دۆلار، تورکیا بە 307 هەزار تەن بە بڕی 384 ملیۆن دۆلار، ئەڵمانیا بە 83 هەزار تەن بە بڕی 129 ملیۆن دۆلار و سویسرا بە 113 هەزار تەن بە بڕی 101 ملیۆن دۆلار، پێنج هاوبەشی یەکەمی ئێران بۆ دابینکردنی کاڵای پێویست بوون.
لەتیفی سەبارەت بە ڕێژەی کاڵای ترانزێتی لە ڕێگای ئێرانیشەوە، وتی: ترانزێتی کاڵا وەک دوو مانگی دیکەی وەرزی بەهاری ئەمساڵ بەرزبوونەوەی هەبووە و 901 هەزار تەن کاڵا لە مانگی سێهەمدا لە ڕێگای ئێرانەوە ترانزێت کراوە./.
