بە پێی ڕاپۆرتی جام کوردی، ڕەهێڵ فەرەیدون بریکاری وەزارەتی تەندرووستی حکومەتی هەرێمی کوردستان لە کاردانەوەی بەرامبەر بە بڵاوکردنەوەی گرتە ڤیدیۆیەکی کەناڵی بی بی سی فارسی و پڕوپاگەندەی بەقاچاخبردنی ڤاکسێنی فایزەر لە هەرێمەوە بۆ وڵاتی ئێران، وتی: ئەو گرتە ڤیدیۆییە درووستکراوە و هیچ بنەمایەکی نییە، لە بەر ئەوەی کە دوو بەشە ڤیدیۆکە، ئەگەر دوو جار سەیر بکرێت ئەو فێڵە دەردەکەوێت. لە جاری یەکەمدا ڤیدیۆکە بە کورتکراوەیی لۆگۆیەکی وەزارەتی تەندرووستی پێوەیە و لە ڤیدیۆی دووەمدا هیچ لۆگۆیەک نابینرێت.
ناوبراو وتی: ئەو ڤاکسێنانەی لە بەغداوە ڕەوانەی هەرێمی کوردستان دەکرێت، بە داتا و لیستی تایبەتە و پاشان ناوی بەکارهێنەران بە لیست ڕەوانەی بەغدا دەکرێتەوە، جگە لەوەش پسۆلەی ڤیزا پاس بۆ بەکارهێنەران دەکەین،
بریکاری وەزارەتی تەندرووستی حکومەتی هەرێمی کوردستان وتی: بۆ هاوردەکردنی ڤاکسێنی کۆرۆنا حکومەتی هەرێم مامەڵەی ڕاستەوخۆ لە گەڵ حکومەتی ناوەندی عێراق دەکات و بە هیچ جۆرێک لە گەڵ کۆمپانیا لۆکاڵییەکان مامەڵە ناکات./.
