بە پێی ڕاپۆرتی جام کوردی، سەعید خەتیب زادە وتەبێژی وەزارەتی دەرەوەی کۆماری ئیسلامی ئێران جەختی لە سەر گرنگی پاراستنی ئاشتی و سەقامگیری ئەردەن کردەوە.
ناوبراو هەر ئاڵۆزییەکی ناوخۆیی لە ناوچەی ڕۆژئاوای ئاسیا لە پێناو بەرژەوەندییەکانی ڕژێمی زایۆنیستی ناو برد و وتی کە بەردەوام شوێنپێی ئەم ڕژێمە لە پیلانگێڕییەکان لە وڵاتانی ئیسلامی دەبینرێت.
خەتیب زادە بە ئاماژە بە پەیوەندییەکانی نێوان کۆماری ئیسلامی ئێران و ئەردەن وتی: تاران دژی هەر چەشنە ئاڵۆزکردنی ڕەوشی ناوخۆیی و دەستێوەردانی دەرەکییە و لەو بڕوایەدایە کە دەبێت تەواوی کاروباری ناوخۆیی وڵاتان لە چوارچێوەی یاسادا بەدواداچوونی بۆ بکرێت./.
