بە پێی ڕاپۆرتی جام کوردی، سەید عەمار حەکیم لە چوارەمین کۆبوونەوەی ساڵانەی کۆڕی گشتی ڕەوتی حیکمەی نیشتمانی وتی کە ئەزموونەکانی ڕابردوو ئەوەیان سەلماندووە کێشە و گرفتەکانی عێراق تەنیا بە هاوکاری چارەسەر دەکرێت.
ناوبراو وتی: عێراق چەندین کێشەی گەورەی لە بەردەمدا بووە، یەکەم، کێشەی داگیرکاری کە پشتی بە بڕیارە نێودەوڵەتییەکان بەست، دووەم، کێشەی تائیفی و شەڕی ناوخۆیی کە بە ڕێنماییەکانی مەرجەعیەتی باڵا و کەسایەتییە باڵاکانی لایەنەکان کۆتایی هات، سێهەم، کێشەی تیرۆر و تێکدانی ڕەوشی ناوخۆیی عێراق کە هەوڵی ئاڵۆزکردنی دۆخی ئەم وڵاتە و گەڕانەوەی دیکتاتۆریەتی دەدا.
سەرۆکی ڕەوتی حیکمەی نیشتمانی عێراق وتی کە عێراق پێویستی بە هێزی سەربازی هیچ وڵاتێک نییە و هیچ وڵاتێکیش بە تایبەت ئەمریکا نابێت بیر لە کردنەوەی بنکەی سەربازی هەمیشەیی لە خاکی عێراقدا بکاتەوە./.
