بە پێی ڕاپۆرتی جام کوردی، سەید عەباس عێراقچی جێگری وەزیری دەرەوەی ئێران بۆ کاروباری سیاسی سەبارەت بە کۆبوونەوەی لێژنە هاوبەشەکەی ڕێکەوتنی ناوەکی لە ڕۆژی سێ شەممە لە شاری ڤیەننا، وتی: ئەوەی کە لە ڤیەننا و لە لێژنەی هاوبەشی ڕێکەوتنی ناوەکی مەبەستی ئێمەیە، هەمان هەڵوێستی فەرمی کۆماری ئیسلامی ئێرانە بە پێی ڕێنماییەکانی ڕێبەری مەزنی شۆڕشی ئیسلامی کە تا ئێستا چەندین جار لە سەر زاری بەرپرسانی باڵاوە ڕاگەێندراوە.
ناوبراو وتی: ئێمە لە ڤیەننا هیچ دانوستانێکمان لە گەڵ ئەمریکییەکان نابێت، ڕاستەوخۆ بێت یان ناڕاستەوخۆ، ئێمە لە گەڵ لێژنەی هاوبەشی ڕێکەوتنی ناوەکی و وڵاتانی 1+4 کۆدەبینەوە و داواکاری و مەرجەکانی خۆمان بۆ گەڕانەوە بۆ ڕێکەوتنی ڕادەگەێنین.
عێراقچی وتی: مەرجەکانی ئێمە ئەوەیە کە ئەمریکا سەرەتا بەڵێنەکانی لە ڕێکەوتنی ناوەکی جێبەجێ بکات، گەمارۆکانی سەر ئێران هەڵبگرێت، پاشان ئەوەمان بۆ سەلمێندرا ئێمەش بۆ ڕێکەوتنەکە دەگەڕێینەوە./.
