بە پێی ڕاپۆرتی جام کوردی، لە کۆبوونەوەی نێوان سەعید خەتیب زادە و نێچیرڤان بارزانیدا پەیوەندییەکانی نێوان تاران و هەولێر و چۆنیەتی بەهێزکردنی لە سەرجەم بوارەکاندا تاوتوێ کرا.
لەو کۆبوونەوەدا کە بە ئامادەبوونی فەرامەرز ئەسەدی سەرکۆنسووڵی کۆماری ئیسلامی ئێران لە شاری هەولێر بەڕێوەچوو، سەبارەت بە دۆخی هەرێم، عێراق و ناوچەکە بیر و ڕا ئاڵوگۆڕ کرا.
هەر دوو لا جەختیان لە گرنگی بەردەوامی هاوکاری و هاوئاهەنگی کردەوە بۆ بەهێزکردنی پەیوەندییەکان بە جۆرێک کە خزمەت بە بەرژەوەندییە هاوبەشەکان بکات./.
