بە پێی ڕاپۆرتی جام کوردی، کریستالینا جۆرجیڤا، بەڕێوەبەری کارگێڕی سندوقی دراوی نێودەوڵەتی (IMF) لە لوتکەی گروپی ٢٠ لە بەرازیل ڕایگەیاند کە جیهان ڕووبەڕووی لاوازترین ئاسۆی گەشەسەندنی مامناوەند بووەتەوە لە ماوەی دەیان ساڵدا.
ئاماژەی بەوەشکرد کە سندوقی دراوی نێودەوڵەتی پێشبینی گەشەی ئابوریی لە سەدا 3.3 ی کردووە بۆ ساڵی داهاتوو.
ناوبراو ڕایگەیاند کە کەرتی دارایی تەندرووست و سەقامگیر لەم ڕووەوە گرنگە، بەڵام هۆشداریدا لەوەی کەرتی دارایی ڕووبەڕووی نادڵنیایی دەبێتەوە، لەوانەش لاوازی دامەزراوە داراییە نابانکییەکان، تەکنۆلۆژیای نوێی وەک دراوی دیجیتاڵی و پارچەبوونی سیستەمی پارەدانی نێودەوڵەتی.
جۆرجیڤا هەروەها ڕایگەیاند کە هەوڵەکان بۆ سنووردارکردنی هەڵاوسان دەبێت بەردەوام بن و هۆشداریدا لەوەی سەرەڕای پێشکەوتنی باش، بەڵام هێشتا کارەکان ئەنجام نەدراون.
بەڕێوەبەری کارگێڕی سندوقی دراوی نێودەوڵەتی ڕایگەیاند کە بانکە ناوەندییەکان پێویستە زۆر زوو بەرەنگاری کەمکردنەوەی ڕێژەی سوود ببنەوە کاتێک فشارەکانی نرخ بەردەوامن، هەروەها خۆیان لە چاوەڕوانی زۆر و خاوکردنەوەی چالاکییە ئابورییەکان بەدوور بگرن.
ناوبراو پێشوازی لە ئامادەیی گروپی 20 کرد بۆ باجدان لە سەر قازانجی سەرمایەی ملیاردێرەکان و وتی کە زۆرێک لە وڵاتان دەرفەتیان هەیە بۆ داخستنی بۆشاییەکان و ئاڵوگۆڕی زانیاری و بەهێزکردنی باجی داهاتی سەرمایە./.
