بە پێی ڕاپۆرتی جام کوردی، یاسر عەبدولزەهرا ئەلحەجاج ڕاوێژکاری ڕۆشنبیری عێراق لە تاران بە کەناڵی هەواڵی ئەلعالەمی ڕاگەیاند: ئەم بۆنە گەورەیە بۆ یەکەمجار لە سەرجەم وڵاتانی ئەندامی بەرەی خۆڕاگری لە ژێر ناوی مەڵبەندی شارستانییەتەکان بەڕێوەدەچێت و ئەم ناونانەش زۆر گرنگە. ئێمە یەک خاکی شارستانییەتمان هەیە نەک چەند خاکێک و ئەم ناونیشانە گوزارشت لە قووڵایی پەیوەندی نێوان هەموو ئەو وڵاتانە دەکات.
گێڕانەوەی ئەم نمایشە لە دەروازەی گەلان لە پرسپۆلیس (تەخت جەمشید) لە شیراز دەست پێدەکات و پاشان تا پالمیرا لە سوریا و پاشان بۆ خاکی مێژوویی بەعلبەک لە لوبنان و پاشان تا بورجی بابل لە عێراق و پاشان دەروازەی ڕەدا لە یەمەن و گەڕەکی جەزائیر لە غەززە و لە کۆتاییدا مزگەوتی ئەقسا ( قوبە بەرد) لە قودس شەریف.
عەلیڕەزا زاکانی، سەرۆکی شارەوانی تاران بە کەناڵی هەواڵی ئەلعالەمی ڕاگەیاند: جیهانی ئەمڕۆ لە گۆڕاندایە، و بنەمای ئەم گۆڕانکارییە لە ناوچەی ڕۆژئاوای ئاسیادایە و وڵاتانی بەرەی خۆڕاگریش بەشێکی گرنگ و دانەبڕاوی ئەم ناوچەیەن، سەبارەت بە ڕووداوە گرنگەکانی ناو وڵاتانی ئەندامی بەرەی خۆڕاگری، یارمەتی خەڵکی گشتی دەدات بۆ ئاشنابوون بەم شارستانییەتانە.
ئەمڕۆ هەر کاتێک باس لە خۆڕاگری و بەرەی خۆڕاگری لە ناوچەکەدا دەکرێت، مێشکی خەڵک بۆ جموجوڵە سەربازییەکان و هەواڵی شەڕەکان ڕادەکێشرێت. بەڵام ئەم پێشانگایە، بە تایبەتمەندییە ناوازەکانییەوە، بۆ ئاشناکردنی خەڵکی گشتی و ئەوانەی ئارەزووی هەواڵ و پرسی وڵاتانی خۆڕاگری دەکەن، بۆ ڕێنماییکردنی مێشکیان لە هەواڵی سەربازی و شەڕەوە بۆ ڕەگ و ڕیشەی کەلتووری و مێژوویی ئەو وڵاتانە بەڕێوەدەچێت.
بێ گومان خاڵە هاوبەشەکانی ئەم شارستانییەتانە دەتوانن یارمەتیدەر بن بۆ یەکگرتن و بەهێزکردنی دەسەڵاتی وڵاتانی ئەندامی بەرەی خۆڕاگری./.
