بە پێی ڕاپۆرتی جام کوردی، سەبارەت بە هەناردەکردنی بەرهەمی کشتوکاڵی بۆ هەرێمی کوردستان، سەعید کەریمی ئاماژەی بەوەشکرد: هەمیشە ژمارەیەک بەرهەم ڕێگەپێدراوە هەناردەبکرێن، لە کاتێکدا ئەوانی دیکە وەکو فاسۆلیا ڕێگەیان پێنادرێت هەناردە بکرێن، جگە لە نۆک، چونکە وەزارەتی کشتوکاڵ بە دوو بەرهەم دەزانێت، پارامێتەرەکان: بڕی بەرهەمهێنان و پێداویستییە ناوخۆییەکانی وڵات.
ناوبراو وەبیری هێنایەوە: ئێمە هیچ کێشەیەکمان نییە لە ڕووی هەناردەکردنەوە بۆ هەرێمی کوردستانی عێراق، پرۆسەی جێبەجێکردنیش دەگەڕێتەوە بۆ پەیوەندی نێوان بازرگانەکانمان و هەرێمی کوردستان.
سەعید کەریمی وتی: ئەگەر ئەو بەرهەمانەی هەرێمی کوردستان داوای دەکات لە نێو ئەو بەرهەمانەدا بن کە ڕێگەمان پێدراوە هەناردەیان بکەین، ئەوا بەبێ سنوردارکردن و بە ڕەزامەندی وڵاتی مەبەست و بە پێی ڕێساکانی کەرەنتینە هەناردە دەکرێن.
ئەم بەرپرسە ڕایگەیاندووە کە بڕی بەرهەمی زەعفەران لە پارێزگای کرماشان ساڵانە ٤ تەنە و ڕایگەیاند: ئێمە هیچ کێشەیەکمان لە هەناردەکردنی زەعفەران بۆ هەرێمی کوردستان نییە و تاکە شتێکی بەرچاو لەم حاڵەتەدا نەبوونی دەسکەبەندییەکی درووستە.
ئاماژەی بەوەشکرد: لە ماوەی دوو ساڵی ڕابردوودا چەندین یەکەیەکی بەرهەمهێنانی زەعفەران لە پارێزگاکەدا درووستکراون، کە خۆشبەختانە پاکەت و پاکەتێکی باش و گونجاو بەکاردەهێنن.
کەریمی دەشڵێت: بەداخەوە لە بواری ڕیکلامدا ئاستێکی خراپمان هەیە، لەم ڕووەوەشەوە نەگەیشتووینەتە ئاستی خوازراو، بەڵام لە ماوەی ساڵی ڕابردوودا کاری باش لە بواری ڕێکلامدا کراوە و ئەم بوارەش بەرەوپێشچوونی بەخۆوە بینیوە.
ئاماژەی بەوەشکرد: بازرگانەکانمان لە پەیوەندیکردن لە گەڵ لایەنی عێراقیدا خراپ مامەڵەیان کردووە و خۆشبەختانە ئەو بابەتە بەو هەوڵانەی دراوە یەکلایی بووەتەوە.
سەبارەت بە هەناردەکردنی تۆوی ڕەز بۆ هەرێمی کوردستان، کەریمی وتی: ئێمە پێویستمان بە تۆوی ڕۆنی هەیە لە وڵات و لە پارێزگاکەدا و لەم حاڵەتەشدا نەک هەر هەناردە ناکەین، بەڵکو پێویستمان بە هاوردەکردنە.
ناوبراو وتی: بەرهەمی پەتاتە ساڵانە 400 هەزار تەنە و هیچ کێشەیەکمان نییە لە هەناردەکردنی بۆ هەرێمی کوردستان، تەنیا کاتێک نەبێت کە لە ناوەوە کەمی هەبێت، لەو حاڵەتەدا ڕێگری لە هەناردەکردنی دەکرێت بۆ ماوەیەکی کورت.
سەبارەت بە توانای سایلۆکانی پارێزگاکە بۆ هەڵگرتنی گەنم لە هەرێمی کوردستانی عێراق، ئەم بەرپرسە بیری هێنایەوە کە ئەگەر داواکارییەکی لەو شێوەیە لە لایەنی بەرامبەرەوە هەبێت، دەبێت سەرەتا ئەم داواکارییە لە ڕێگەی یاداشتنامەی لێکتێگەیشتنەوە بکرێت و مۆڵەتی لە لایەن بەشی پاراستنی ڕووەکی پارێزگاکە دەربچێت کە بێگومان ئەم هەنگاوانە بریتین لە کەرەنتینەکردن، تاقیکردنەوەی بەرهەمەکان و نەبوونی هیچ پیسبوونێک./.
