بە پێی ڕاپۆرتی جام کوردی، وەزارەتی دەرەوەی ئەردەن و ڕێکخراوی ناتۆ لە بەیاننامەیەکی هاوبەشدا ڕایانگەیاندووە کە هاوپەیمانانی ناتۆ لە واشنتن لە ساڵی 2024، پلانێکی کردەییان بە مەبەستی پتەوکردنی تێڕوانینی هاوکاری لە ناوچەکە و باکوری ئەفریقا پێشنیار کردووە.
لەو بەیاننامەیەدا هاتووە کە پلانەکە پابەندبوونی ناتۆ پیشان دەدات بۆ بەهێزکردنی هاوکاری لە گەڵ وڵاتانی دراوسێی باشور، لەوانەش کردنەوەی نووسینگەی پەیوەندییەکانی ناتۆ لە وڵاتی ئەردەن کە یەکەم نووسینگەی لە ناوچەکەدا دەبێت.
لەو بەیاننامەیەدا جەخت لەوە کراوەتەوە کە بڕیاری کردنەوەی نووسینگەکە کە لە بەیاننامەی کۆتایی کۆبوونەوەی ناتۆ لە لیتوانیا لە مانگی تەمموزی 2023 ڕاگەێندرا، خاڵی وەرچەرخانە لە هاوبەشی قووڵی ستراتیژیی نێوان ئەردەن و ناتۆ.
بڕیارە ئەو نووسینگەیە پەرە بە وتووێژ و هاوکاری سیاسی لە بوارە گرنگەکانی نێوان ناتۆ و ئەردەن بدات و پەیوەندی بەردەوامی نێوان هەر دوو لا بەهێزتر بکات./.
