بە پێی ڕاپۆرتی جام کوردی، غوڵام حوسێن موحسینی ئێژەیی سەرۆکی دەزگای دادی ئێران لە کۆبوونەوەی لە گەڵ ئەندامانی چوارچێوەی هاوئاهەنگی عێراق وتی: ئەو سەرکەتنانەی لە ئێرانی ئیسلامی و لە عێراق لە پێناو پاراستنی سەربەخۆیی و بەهێزبوونی دەسەڵاتی نیشتمانی و پتەوبوونی ئاسایشی بە دەست هاتووە، هەروەها ئەو پێشکەوتنانەی کە لە بوارە جیاجیاکاندا بەدیهاتووە، ئەنجامی پابەندبوونە بە ئامۆژە ئائینییەکان و خۆڕاگری و مانەوە لەم ڕێگایەدا.
ناوبراو وتی: جێی خۆیەتی دەستخۆشی لە چوارچێوەی هاوئاهەنگی بکەین کە لە قۆناغە هەستیارەکاندا ڕۆڵی چالاکی لە پاراستنی ئاسایشی و سەقامگیری عێراق هەبووە، ئەمڕۆش ئەرکێکی قورس لە سەر شانیتەتی و هیوادارین ئەم ڕەوتە سیاسییە بتوانێت بەهێزەوە بەردەوام بێت و ئاسایش و یەکڕیزی و یەکگرتوویی عێراق بپارێزێت.
موحسینی ئێژەیی وتی: هەمووان دەزانین کە دوژمن لە هەوڵ و پیلانەکانی بەردەوامە، بێگومان یەکێک لە دوژمنە ئاشکراکان، ئەمریکا و ڕژێمی زایۆنیستییە، ئەوان لە دژی وڵاتانی ئیسلامی بە تایبەت ئێران و عێراق بەردەوام پیلان دادەڕێژن، هەر بۆیە زیاتر لە ڕابردوو پێویستمان بە یەکڕیزی و هاوکاری هەر دوو وڵاتە و هیوادارین لە تواناکانی هەر دوو وڵات لە پێناو مسۆگەرکردنی ئاسایشی جیهانی ئیسلام و چارەسەرکردنی کێشەکان کەڵک وەربگرین.
سەرۆکی دەزگای دادی ئێران تاوانەکانی ڕژێمی زایۆنیستیی لە کەرتی غەززە و بەرامبەر بە خەڵکی زوڵملێکراوی فەڵەستین ئیدانە کرد و وتی: بە ڕاستی کە هەڵوێستی عێراق بۆ پشتیوانیکردنی خەڵکی غەززە و فەڵەستین شیاوی ڕێزلێنانە.
ناوبراو وتی: پێویستە یاد و بیرەوەرییەکانی سەرجەم شەهیدانی ئێران و عێراق کە لە پێناو ڕزگارکردنی خەڵک لە ستەمی ناوخۆیی و دەرەکی گیانیان بەخت کردووە و تێکۆشانیان کردووە، بەرز ڕابگرین، بە تایبەت شەهیدان حاجی قاسم سولەیمانی و ئەبومەهدی موهەندیس کە لە لایەن تیرۆریستانی ئەمریکییەوە شەهید کران./.
