بە پێی ڕاپۆرتی جام کوردی، حوسێن ئەمیر عەبدوڵڵاهیان لە تۆڕی کۆمەڵایەتی ئێکس پەیامێکی لە سەر شەڕی غەززە بڵاو کردەوە و ڕایگەیاند کە زیاتر لە 70 ڕۆژ بە سەر شەڕی غەززەدا تێپەڕ دەبێت، حەماس لە ناو نەبرا، خۆڕاگری چەک نەکرا، دیلە زایۆنیستەکان لە ڕێگای شەڕەوە ئازاد نەکران، پیلانی دەرکردنی دانیشتووانی غەززە ئەنجامی نەبوو.
ناوبراو ڕایگەیاند کە سەرەڕای بەردەوامی تاوانەکانی ڕژێمی زایۆنیستی لە دژی ژنان و منداڵانی غەززە، لە ئێستادا فەڵەستین براوەی ڕاستەقینەی ئەم شەڕە نابەرامبەرەیە.
وەزیری دەرەوەی کۆماری ئیسلامی ئێران هەروەها ڕایگەیاند کە بەرپرسانی ڕژێمی زایۆنیستی بەردەوام تاوانی دڕندانەتر لە تیرۆریستانی داعش دەکەن تا وەک دەسکەوت ناوی ببەن و شکستە گەورە مێژووییەکەیان قەرەبوو بکەنەوە./.
