خواردنی شێلم؛ سوود و زیانەکان

بە پێی ڕاپۆرتی جام کوردی، شێلم بە هەر دوو جۆرەکەی باشترە لێبنرێت، بە کوڵاندن و سوورکردنەوەی سەوزەکەی چونکە بە کاڵی لەوانەیە ببێتە هۆی ئازار و غازاتی زۆری ناو سک.

سوودەکانی خواردنی شێلم:

1 – بۆ تەندرووستی چاو: لە گێزەر باشترە، بە تایبەت گەڵاکەی. چونکە زۆر دەوڵەمەندە بە ڤیتامین ئەی و مادەی لیوتین و زانتین. بۆ بەهێزبوونی توانای بینینی چاو و خۆپاراستن لە تێکچوونی شەبەکیە و زوو پیربوونی بینین.

2 – بۆ بەهێزبوونی توانای بەرگری جەستە: سەرچاوەیەکی دەوڵەمەندە بە ڤیتامین سی.

3 – بەهێزکردنی ئێسک و جومگەکان.

4 – تەندرووستی دڵ و بۆرییەکانی خوێن.

5 – دەوڵەمەندە بە ڤیتامینەکانی گرووپی بی کە زۆر پێویستن بۆ تەندرووستی هەموو ئەندامەکانی جەستە.

6 – بۆ تەندرووستی مێشک و دەمارەکان.

7 – بۆ نەخۆشی شەکرە: چونکە ڕێژەی شەکری زۆر کەمە بە پێچەوانەی پەتاتەوە.

8 – دەوڵەمەندە بە کانزاکانی وەک کالیسیۆم، مەگنیسیۆم، مەنگەنیز، پۆتاسیۆم، فسفۆڕ و ئاسن.

9 – دەوڵەمەندە بە ڤیتامین ئی و کەی.

10 – بۆ خۆپاراستن و چارەسەری نەخۆشی شێرپەنجە.

11 – بۆ کۆنتڕۆڵکردنی بەرزی پەستانی خوێن.

12 – بۆ جوانی پێست و بەهێزبوونی قژ.

13 – بۆ چارەسەری قەبزی.

14 – بۆ دابەزینی کێشی زیادەی جەستە.

15 – بۆ چارەسەری قڵێشی پێ: دانانی پێ لە ناو تەشتێک کە ئاوی شێلم ی تێدابێت بۆ 10 خولەک پێش نووستن و دووبارەکردنەوەی بۆ چەند شەوێک.

زیانەکانی خواردنی شێلم:

زۆرخواردنی شێلم بۆ ماوەیەکی زۆر لەوانەیە ببێتە هۆی دروستبوونی گرفت بۆ ئەندامەکانی جەستە.

1 – نەخۆشی کەمکاری ڕژینی دەرەقی: دەبێت ئاگادار بین چونکە شێلم دەبێتە هۆی کەمکاری ڕژینی دەرەقی.

2 – کەمکاری گورچیلە: زۆر خواردنی شێلم لەوانەیە ببێتە هۆی هەوکردنی گورچیلە و کەمکاری.

3 – سکچوون و ئازار و غازاتی سک.

4 – کاریگەری دەرمانی دژی مەیینی خوێن و دژە میکرۆب کەم دەکاتەوە.

5 – هەستیاری بە شێلم لەوانەیە ببێتە هۆی سوربوونەوەی دەموچاو و جەستەی مرۆڤ و خورانی./.