بە پێی ڕاپۆرتی جام کوردی، عەلی زۆبەیدی پەرلەمانتاری هاوپەیمانی فەتح لە پەرلەمانی عێراق جەختیکردەوە کە ئەمریکا لە ڕێگای پاڵپشتیکردن و هاوکاریکردنی گرووپە تیرۆریستییەکان لە پارێزگا جیاجیاکانی عێراق، درێژە بە دوژمنایەتی و تاڵانکردنی سەرچاوەکانی ئەم وڵاتە دەدات.
ناوبراو وتی: هێزەکانی حەشدی شەعبی، دابینکردنی دارایی و پڕچەککردنی گرووپی تیرۆریستی داعشیان لە لایەن ئەمریکاوە تۆمار کردووە و واشنتن لە ساڵی 2014 تا ئێستا درێژەی بە پاڵپشتیکردنی داعش داوە.
زۆبەیدی بە ئاماژە بەوەی کە پاڵپشتییەکانی ئەمریکا بۆ داعش تەنانەت زیادی کردووە، وتی: لە بەرامبەر جموجوڵە گوماناوییەکانی ئەمریکا لە ناوچە سنورییەکانی سوریا و عێراق دەبێت ووشیار بین لە بەر ئەوەی کە هەر هەنگاوێکی گوماناوی لەم ناوچانەدا بە فەرمانی باڵیۆزخانەی ئەمریکا لە بەغداوە دەکرێت./.
