بە پێی ڕاپۆرتی جام کوردی، ناسر کەنعانی وتەبێژی وەزارەتی دەرەوەی کۆماری ئیسلامی ئێران ڕۆژی سێ شەممە 17 ی کانوونی دووەمی 2023 لە وەڵامی پرسیارێک سەبارەت بە بەکارهێنانی ناوێکی ساختە و تەزویر لە لایەن ژمارەیەک لە بەرپرسان و دامەزراوەکان و هەروەها سەرۆک وەزیرانی عێراق بۆ کەنداوی فارس، وتی: ناوی کەنداوی فارس ڕاستییەکی مێژوویی، هەتا هەتایی، بەڵگەیی و حاشاهەڵنەگرە و دووبارەکردنەوەی ناوێکی تەزویر ئەم ڕاستییە ناگۆڕێت و شەرعییەت بەوەش نادات.
ناوبراو وتی: کەنداوی فارس لە هەزاران ساڵ پێش ئێستا لە بەڵگەکان، نەخشەکان و دەقە کۆنەکان بەم ناوە بووە و بۆ هەمیشە بەم ناوەش دەمێنێتەوە.
وتەبێژی وەزارەتی دەرەوەی کۆماری ئیسلامی ئێران وتی کە بۆ ڕاکێشانی دۆستایەتی لایەنەکانی دیکە ناتوانرێت سامانی دەوڵەمەندی یەکگرتوویی مێژوویی وڵاتانی ناوچەکە وەک تێچوویەک بەکار بهێندرێت.
ناوبراو وتی کە پەیوەندییەکانی ئێران و عێراق گەورەترە لە کەسان و دامەزراوەکان و ڕیشەی لە قووڵایی مێژوو و شارستانیەتی ئەم دوو وڵات و دوو گەلەدا هەیە.
کەنعانی هەروەها ڕایگەیاند کە بە هۆی ئەو لێدوانانەوە یادداشتێکی ناڕەزایەتی ڕادەستی حکومەتی عێراق کراوە./.
