بە پێی ڕاپۆرتی جام کوردی، تارق مەندەلاوی ڕایگەیاند کە زۆربەی پێکهاتەکان و لایەنە سیاسییەکانی عێراق داوا دەکەن بەدواداچوونی پێویست بۆ دۆسیەی تیرۆری شەهیدان سولێمانی و موهەندیس بکرێت.
ناوبراو وتی: حاجی قاسم میوانی عێراق بوو و بە بانگهێشتی فەرمی لە لایەن حکومەتی عێراقەوە سەردانی بەغدای کرد، هەر بۆیە حکومەتی عێراق بە تایبەت وەزارەتی دەرەوەی ئەم وڵاتە دەبێت بەدواداچوون بۆ سکاڵا نێودەوڵەتییەکان لەم دۆسیەدا بکات، بە تایبەت لە دژی سەرۆک کۆماری پێشووی ئەمریکا.
مەندەلاوی وتی: بە پێی یاسای نێودەوڵەتی، تاوان و هەر کردەوەیەکی سەربازی لە فڕۆکەخانەیەکی نێودەوڵەتی وەک بەغدا، قەدەغەیە و دەبێت بەدواداچوونی بۆ بکرێت.
سەرۆکی دەزگای شەهیدانی عێراق وتی: ئەمساڵ جیاوازییەک لە ڕێوڕەسمی بەرزڕاگرتنی یادی شەهیدانی سەرکەوتن لە بەرامبەر داعش بەراورد بە ساڵانی ڕابردوو هەیە و ئەویش پێشوازی بەرچاوی خەڵک و زیاتربوونی داواکارییەکانی ئەوانە بۆ دەرکردنی ئەمریکییەکان لە عێراق و ڕەنگە گردبوونەوەکان تا یەک مانگیش بەردەوام بێت./.
