بەپێی ڕاپۆرتی جام کوردی، فیلمی سینەمایی “ورچ نییە” No Bears لە نووسین، بەرهەمهێنان و دەرهێنانی سینەماکاری ناوداری ئێرانی “جەعفەر پەناهی” و بە ڕۆڵ بینینی سینەماکاری کورد “بەختیار پەنجەیی”، لە یەکەمین بەشداریی نێودەوڵەتی خۆیدا لە بەشی “پێشبڕکێی سەرەکی” لە حەفتا و نۆیەمین خولی فێستیڤاڵی نێودەوڵەتی فیلمی “ڤێنیز” Venice لە وڵاتی ئیتالیا لە چوار سانسی جیاوازدا، لەوانە: لە کاتژمێر 9ی بەیانی و کاتژمێر 4:45ی دوانیوەڕۆ لە سینەما “گڕاندا” Grande و لە کاتژمێر 11:30 پێش نیوەڕۆی ڕۆژی هەینی 9ی سێپتەمبەری 2022 لە سینەما “درێسنا” Darsena و هەروەها لە کاتژمێر 4:30ی دوانیوەڕۆی ڕۆژی شەمە 10ی سێپتەمبەری 2022 لە هۆڵی سەرەکی فێستیڤاڵ PalaBiennale نمایش کرا و هەر بەم بۆنەیەوە پۆستەری جیهانی ئەم بەرهەمە سینەماییە بڵاوکرایەوە.
فیلمی سینەمایی “ورچ” بە ناوی نێودەوڵەتی “ورچ نییە” چیرۆکی دەرهێنەرێکی سینەمایی دەگێڕێتەوە کە دەیەوێت لە ڕووداوێکی بەڵگەییدا لە تورکیا، فیلمێکی ئەوینداریی ساز بکات. بێ ئاگا لەوەی کە بۆخۆی بە شێوەیەکی نەخواراو لە ئێران، تووشی ڕووداوێکی ئەوینداریی دیکە بووە و … .
ئەو ئەکتەرانەی کە لەم بەرهەمە سینەماییەدا ڕۆڵیان بینیوە، بریتین لە: جەعفەر پەناهی، ناسر هاشمی، وەحید مەبەسێری، بەختیار پەنجەیی، مینا کاوانی، نەرجس دلارام، ڕەزا حەیدەری.
ستافی ئامادەکردنی فیلمی سینەمایی “ورچ نییە” بریتین لە:
نووسەر، بەرهەمهێنەر و دەرهێنەر: جەعفەر پەناهی، بەڕێوەبەری وێنەگرتن: ئەمین جەعفەری، ڕاوێژکاری هونەری: نادر ساعی وەر، دیزاین، مۆنتاژ و میکسی دەنگ: محەمەدڕەزا دڵپاک، بەڕێوەبەری دەنگهەڵگرتن: عەبدوالڕەزا حەیدەری، مۆنتاژ: ئەمیر ئێتمینان، بەرپرسی پلان و بەرهەم: نادر ساعی وەر، دیزاین و جێبەجێی کردنی سەحنە: بابەک جاجایی تەبریزی، دیمەنە تایبەتە وێنەییەکان: حامید مووسەوی، سەعادەت بەستام، بەرپرسی بەرهەم لە تورکیا: سینان یۆسف ئۆغڵۆ Sinan Yusufoglu، دەنگهەڵگر: ئیمان بازیار، یاریدەدەری دەنگهەڵگر: سالار سەلیمی، بەڕێوەبەری تەکنیکی دەنگ: عەلیڕەزا نکولەعل تەک، یاریدەدەری وێنەگر: سەجاد بەراتی، ئەمیر موحبەتی، عەلی جەعفەری، سەرحەت ئەکرەم ئاشچی، دەنگهەڵگری ستۆدیۆ: شاهین خاکپوور، یاریدەدەرانی مۆنتاژی دەنگ: سەیدڕەزا گۆدازگەر، محەمەد زەمان سانی، عەلیڕەزا دەباغ، وەرگێڕ: تووفان گرکانی، قۆناغی دوای بەرهەمهێنان: پوویا عەباسیان، نێودەوڵەتی: ئەشکان مێهری (ئێران)، کاروباری تەکنیکی دەنگ: ستۆدیۆ بیگم، سپاسی تایبەت لە: گوڵشیفتە فەراهانی، دکتۆر جەمشید ئەکرەمی، مەجید بەرزگەر، شادمێهر ڕاستین، ئەشکان ئەشکانی، تاهیرە سەعیدی، سوڵماز پەناهی، مەریەم کتابفرووش بەدری، پێگاە زەیدی، بەڕێوەبەری ڕاگەیاندنی گشتی: مەنسوور جیهانی، بڵاوکردنەوەی نێودەوڵەتی: سلۆلۆئید دریمز Celluloid Dreams، ساڵی بەرهەمهێنان: 2022.
حەفتا و نۆیەمین خولی فێستیڤاڵی نێودەوڵەتی فیلمی “ڤێنیز” بە ناونیشانی کۆنترین ڕووداوی سینەمایی جیهان بە سەرۆکایەتی “ئاڵبێرتۆ باربێڕا” Alberto Barbera ڕۆژی 31ی ئۆگۆستی 2022 بە نمایشی فیلمی سینەمایی “نۆیزی سپی” White Noise لە دەرهێنانی “نۆئا بائۆمباک” Noah Baumbach بە شێوەی فەرمی دەستی پێکرد و بە نمایشی بەرهەمی سینەماکارانی وڵاتانی جۆراوجۆری جیهان لە بەشەکانی پێشبڕکێی، لەوانە: “پێشبڕکێی سەرەکی”، “کورتە فیلم”، “ئاسۆکان” Orizzonti، “هەفتەی ڕخنەگران”، “گەشەکردنی ڤێنیز” و هەروەها بەشی دەرەوەی پێشبڕکێی لەوانە: “نمایشی بەرهەمە بڵیندەکان”، “نمایشی تایبەت”، “ئاسۆکانی ئکستڕا” Orizzonti Extra، “کالێجی دوو ساڵانەی سینەما” و چەندین بەشی دیکە تاکوو ڕۆژی شەمە 10ی سێپتەمبەری 2022 لە شاری ڤێنیز لە وڵاتی ئیتالیا درێژەی هەبوو.
