بە پێی ڕاپۆرتی جام کوردی، مەجید چگینی بەرزبوونەوەی ڕێژەی هەناردەی گازی ئێران بۆ تورکیا و وەرگرتنی یەک ملیار و 600 ملیۆن دۆلار پارەی قەرزی گازی هەناردەکراوی بۆ عێراق وەک دوو دەسکەوتی کۆمپانیای نیشتمانیی گازی ئێران ناو برد.
ناوبراو لە کۆنگرەیەکی ڕۆژنامەوانیدا بە بۆنەی خستنەڕووی کار و چالاکییەکانی یەک ساڵی ڕابردووی کۆمپانیای نیشتمانیی گازی ئێران وتی: بەرزکردنەوەی لە سەدا 11 ی ڕێژەی هەناردەی گاز بۆ تورکیا، بەردەوامی دانوستانەکان بۆ زیاترکردنی ڕێژەی هەناردەی گاز، وەرگرتنی یەک ملیار و 600 ملیۆن دۆلار قەرزی گازی عێراق، زیاتربوونی لە سەدا 138 ی سۆئاپی گاز، ئاڵوگۆڕی گاز لە گەڵ کارەبای ئەرمینیا و دانوستان لە گەڵ وڵاتانی دیکە بە تایبەت وڵاتانی دراوسێ بۆ زیاترکردنی پشکی ئێران لە بازاڕی نێودەوڵەتی گاز لە هەنگاوەکانی دیکە بۆ پەرەپێدانی بە دیپلۆماسیەتی گازی بووە.
ئەو بەرپرسە هەروەها ڕایگەیاند کە لەم یەک ساڵەدا بۆری گاز گەیشتووەتە 16 شار، 1091 گوند و 1959 یەکەی پیشەسازی بە بودجەی 78 هەزار ملیار ڕیاڵ./.
