بە پێی ڕاپۆرتی جام کوردی، سەید ڕوحوڵڵا لەتیفی وتەبێژی گومرۆکی ئێران لە شرۆڤەی بازرگانیی یەک ساڵەی کابینەی سێزدەیەمی ئەم وڵاتە، وتی: لە سەرەتای دەستبەکاربوونی کابینەی سێزدەیەم کە یەک ساڵی بە سەردا تێپەڕ بووە، 161 ملیۆن و 64 هەزار تەن کاڵا بە بەهای 108 ملیار و 868 ملیۆن دۆلار لە نێوان ئێران و وڵاتانی دیکەدا ئاڵوگۆڕ کراوە کە ئەم ڕێژەیە بەراورد بە ماوەی هاوشێوە لە کابینەی ڕابردوو لە ڕووی کێشەوە لە سەدا 3 و لە ڕووی بەهاوە لە سەدا 30 گەشەی کردووە.
ناوبراو وتی: پشکی هەناردەی کاڵای ئێرانی لە کابینەی سێزدەیەم، 121 ملیۆن و 176 هەزار تەن کاڵا بە بەهای 52 ملیار و 296 ملیۆن دلار بووە کە بەراورد بە ماوەی هاوشێوە بە بێ گۆڕانکاری لە کێشدا، لە سەدا 27 بەهاکەی بەرز بووەتەوە.
لەتیفی سەبارەت بە ڕێژەی هاوردەش لە تەمەنی یەک ساڵەی کابینەی سێزدەیەمی کۆماری ئیسلامی ئێران، وتی: 39 ملیۆن و 888 هەزار تەن کاڵا بە بەهای 56 میلیار و 572 ملیۆن دۆلار لە ماوەی ئەم یەک ساڵەدا هاوردە کراوە کە بەراورد بە ماوەی هاوشێوە لە سەدا 13 لە کێش و لە سەدا 31 لە بەهادا گەشەی کردووە.
وتەبێژی ڕێکخراوی گومرۆکی ئێران وتی: لە یەک ساڵەی یەکەمی تەمەنی کابینەی سێزدەیەمی کۆماری ئیسلامی ئێران لە بواری بازرگانی دەرەکی بەراورد بە ماوەی هاوشێوە لە ساڵی ڕابردووی، 5 ملیۆن و 85 هەزار تەن کاڵا و 24 ملیار و 302 ملیۆن دۆلاری زیاتر ئاڵوگۆڕی بازرگانی کراوە کە 4 ملیۆن و 683 هەزار تەن لەم ڕێژەیە بە بەهای 13 ملیار و 215 ملیۆن دۆلار پەیوەندی بە بەرزبوونەوەی ڕێژەی هاوردەوە هەبووە و 402 هەزار تەن لە ڕووی کێش و 11 ملیار و 87 ملیۆن دۆلار لە ڕووی بەهاوە پەیوەندی بە هەناردەوە هەبووە.
سەید ڕوحوڵڵا لەتیفی لە کۆتاییدا وتی: ڕێژەی ترانزێتی کاڵا لە ئێرانەوە لە یەک ساڵی ڕابردوو گەیشتووەتە 13 ملیۆن و 850 هەزار تەن کە بەرزترین ڕێژەی ترانزێتی کاڵا لە ماوەی یەک ساڵ لە مێژووی ئێراندا بووە./.
