بەپێی ڕاپۆرتی جام کوردی، بەرپرسی گشتی فەرهەنگ و ئیرشادی پارێزگای کوردستان ڕایگەیاند بانگەوازی شانزدەیەمین فێستیڤاڵی نێودەوڵەتی شانۆی سەرشەقامی مەریوان بڵاوکراوەتەوە.
عەلی ئەسغەر دەریایی بەرپرسی گشتی فەرهەنگ و ئیرشادی پارێزگای کوردستان ڕایگەیاند: دوایین مۆڵەت بۆ ناردنی بەرهەمەکان بۆ نووسینگەی فێستیڤاڵی نێودەوڵەتی شانۆی سەرشەقامی مەریوان پێنجەمی ڕەزبەرە.
ئاماژەی بەوەش دا کە بابەتی شانۆکانی ئەو فێستیڤاڵە ئازادە و پەرەپێدان بە کەلتووری ئاشتەوایی و دۆستایەتی، سەرەنجدان بە مافی منداڵان، بابەتی هاوڵاتی بوون، پێشگرتن لە خەساری کۆمەڵایەتی و بەرزڕاگرتنی یادی بەرەڤانانی وڵات بابەتەکانی بەرهەمەکانی فێستیڤاڵن.
وتیشی: گرووپە بەشداربووەکان دەبێ یاسا و ڕێساکان و بەرنامەدیاریکراوەکانی ئەو ڕووداوە گرینگە لەبەرچاو بگرن و ئەوانەی کە دەیانەوێت بەشداری بکەن، دەتوانن لە ناونیشانی www.mariwanfestival.com ناوی خۆیان تۆمار بکەن.
