دکتۆر عێزەت سابیر شارەزا لە بواری ئابوری لە وتووێژی جام کوردی، ڕایگەیاند: ئەگەر بە پێی دەستوور مامەڵە لە گەڵ پرسی نەوت و گازدا بکرێت و لە بەرامبەر ئەمەشدا سەرجەم شایستە داراییەکانی هەرێمی کوردستان ڕادەستی خەڵک بکرێت ئەوە باشترە و لە بەرژەوەندی خەڵکدا دەبێت.
ناوبراو وتی: ئەو بڕیارەی دادگای فیدراڵی عێراق سەبارەت بە دۆسیەی نەوت و گازی هەرێمی کوردستان بەشێکی سیاسییە و ئاماژەی بەوە داوە کە مافەکانی هەرێم چییە و وەک خۆی ڕادەست بکرێت.
عێزەت سابیر وتی: ئەگەر بە شێوازی هاوسەنگ و بە پێی دەستوور مامەڵە لە گەڵ پرسی نەوت و گازدا بکرێت سوودەکانی زیاترە لەم دۆخەی ئێستا، ئێمە لە گەڵ ئەوەداین کە ئەم پرسە بە هەماهەنگی لە گەڵ حکومەتی ناوەندی بکرێت./.
