بەپێی ڕاپۆرتی جام کوردی، لەبارەگای تایبەتی خۆی لەشاری سلێمانی‌و بەئامادەبوونی سەرۆك‌و ئەندامانی یەكێتی تۆپی پێی سلێمانی كۆبونەوەی ئاسایی خۆی ئەنجامداو چەند بڕیارێكی گرنگی دەركرد.
1- بەهۆی ئامادە نەبوونی لاوانی یانەی حاجیاوا لەبەرامبەر لاوانی شێروانە لەمیانەی یەكێك لەیاریەكانی هەفتەی (10)ی خولی لاوانی یانەكانی كوردستان كۆمەڵەی سلێمانی، بڕیاردرا بەدۆڕاندنی یانەی حاجیاوا بەئەنجامی (3-0)گۆڵ بەپێی ڕێنماییەكانی یەكێتی تۆپی پێی كوردستان خاڵی (19) بڕگەی (أ).
2- سزادانی یانەی حاجیاوا بەبڕی (250.000)هەزار دینارو پێدانی بڕی پارەی سزاكە بەبەشی دارایی یەكێتی تۆپی پێی سلێمانی.
3- بڕیاردرا یاریەكانی هەفتەی (11)و كۆتایی خولی لاوانی یانەكانی كوردستان كۆمەڵەی سلێمانی لەڕۆژانی هەینی‌و شەمە رێكەوتی (22/23/-4-2022) ئەنجام بدرێت بەپێی ئەو خشتەیەی كە بڵاودەبێتەوە.
