بە پێی ڕاپۆرتی جام کوردی، عەلی عەلاوی لەپەراوێزی کۆبوونەوەی بانکی جیهانی و سندۆقی نێودەوڵەتی دراو لە واشنتن، جەختیکردەوە کە هەرێمی کوردستان دەبێت داهاتی نەوت، گومرک و باج ڕادەستی بەغدا بکات بەڵام تا ئێستا ئەو بەڵێنانەی جێبەجێ نەکردووە.
ناوبراو وتی کە حکومەتی بەغدا زیاتر لە بودجەش پارەی بە حکومەتی هەرێمی کوردستان داوە لە بەر ئەوەی کە هەرێم ساڵی ڕابردوو کێشەی مووچەی فەرمانبەرانی هەبووە.
وەزیری دارایی عێراق هەروەها ڕایگەیاند کە بەرزبوونەوەی نرخی جیهانیی نەوت بووەتە هۆکاری زیاتربوونی داهاتەکانی عێراق و ئەمەش تا 6 مانگی داهاتوو دەگاتە 25 ملیار دۆلار./.
