بە پێی ڕاپۆرتی جام کوردی، تورکیا لە کاتێکدا ڕۆژانە بە فڕۆکەی شەڕکەر و درۆن و مووشەک بەردەوامە لە هێرشەکانی بۆ سەر هەرێمی کوردستان و تا ئێستا بە دەیان کەسی بێ تاوانی کوشتووە، ناتوانێت ئیدانەی ئەو هێرشە بکات کە کراوەتە سەر بنکەی سیخوڕی و پیلانگێڕیی زایۆنیستەکان لە هەولێر.
تورکیا لە کاتێکدا ئیدانەی هێرشەکەی هەولێری کردووە کە ڕۆژی یەک شەممە ناوچەی کانی ماسیی لە پارێزگای دهۆک بۆردومان کرد.
بۆ ئەم هەڵوێستە دووفاقییەی تورکیا دەبێت چەند خاڵێک باس بکرێت:
1 – هێزەکانی تورکیا بە هەرێمی کوردستان و عێراقەوە بە دەیان کیلۆمەتر خاکیان داگیر کردووە. ئەنکەرە چ پێناسەیەکی لە ئاشتی و سەقامگیری هەیە؟ دەسدرێژی بۆ سەر خاکی یەک وڵات و داگیرکردنی چ واتایەکی لە سیاسەتی حکومەتی تورکیا هەیە؟
2 – ڕۆژانە هێرشی ئاسمانیی تورکیا بۆ سەر خاکی هەرێمی کوردستان و عێراق دەبینین. ئایا تورکیا لە سەر بانگهێشتی حکومەتی هەولێر و بەغدا ئەو هێرشانە دەکات؟ تورکیا لە کاتێکدا ئیدانەی هێرشەکەی سەر بنکەی سیخوڕی ڕژێمی زایۆنیستیی لە هەولێر کردووە کە هاوکات هێرشی کردووەتە سەر چەند ناوچەیەک لە پارێزگای دهۆک. پەیامەکەشی ئەوەیە کە تەنیا ئێمە وەک تورکیا مافی ئەوەمان هەیە لە هەر کاتێکدا بە پێویستی بزانین هێرش بکەینە سەر هەرێمی کوردستان و عێراق تا ئاسایشی نیشتمانیی خۆمان بپارێزین.
3 – ئایا تورکیا بە هەبوونی بنکەی سەربازیی بەعشیقە و جێگیرکردنی هێزەکانی لە خاکی هەرێمی کوردستان دەتوانێت ڕەخنە لە هێرشی لایەنەکانی دیکە بۆ نەهێشتنی هەڕەشەی زایۆنیستەکان بگرێت؟
4 – ئایا حکومەتی هەرێم و کەسایەتییەکانی ئەم ناوچەیە هێرشەکانی تورکیا بۆ سەر خاکی خۆیان ئیدانە دەکەن یان تەنیا ئیدانەی ئەو هێرشە دەکەن کە کراوەتە سەر بنەکەیەکی سیخوڕی و پیلانگێڕیی ڕژێمی زایۆنیستی؟
تورکیا بەدەر لە هێرشی ڕۆژانەی بۆ سەر هەرێمی کوردستان، پاڵپشتی لە داعش، کڕینی نەوتی ناوچە داگیرکراوەکانی ئەم گرووپە تیرۆریستییە، ئاسانکاری بۆ تیرۆریستان لە سوریا و ناردنیان بۆ وڵاتانی دیکە و دەستێوەردانی لە کاروباری ژمارەیەک لە وڵاتی جیهانی هەیە و باشترە بەم کارنامەوە بێدەنگ بێت نەک ئەوەی ئیدانەی هێرشی سەر بنکەیەکی پیلانگێڕی لە دژی وڵاتێکی دیکە بکات./.
