بە پێی ڕاپۆرتی جام کوردی، سەید ڕوحوڵڵا لەتیفی وتی: ئەم ڕێژە هەناردەیە لە سەدا 25 ی کێش و لە سەدا 19 ی بەهای کۆی گشتی هەناردەی ئێران بە 112 ملیۆن و 658 هەزار تەن بە بڕی 43 ملیار و 517 ملیۆن دۆلار لەم ماوەیەدا لە خۆ دەگرێت.
ناوبراو ڕایگەیاند: خاڵە هاوبەشەکانی نێوان ئێران و عێراق بووەتە هۆی ئەوەی کە هەناردەی نانەوتی وڵاتی ئێمە لە 145 ملیۆن دۆلاری ساڵی 2002 بگاتە 9 ملیار دۆلار لە ساڵی 2020 و بۆ ئەمساڵیش پێشبینی وەها ڕێژەیەک دەکرێت.
لەتیفی وتی: هەناردەی ئێران بۆ عێراق لە ساڵی 2002 نزیکەی 145 ملیۆن دۆلار بووە و لە ساڵی 2006 گەیشتە یەک ملیار و 224 ملیۆن دۆلار و لە ساڵانی دواتریش بە بەرزبوونەوەی گەیشتە 2 ملیار و 762 ملیۆن دۆلار و لە قۆناغی دواتریش لە ساڵی 2010 ڕێژەی 4 ملیار و 560 ملیۆن دۆلاریی تۆمار کرد.
وتەبێژی ڕێکخراوی گومرکی ئێران وتی: قۆناغی سێهەمی گەشەی هەناردەی ئێران بۆ عێراق لە ساڵی 2013 بووە کە لەو ساڵەدا ڕێژەی هەناردە گەیشتە 6 ملیار و 337 ملیۆن دۆلار و قۆناغی دواتریشی لە ساڵی 2019 بە 8 ملیار و 990 ملیۆن دۆلار تۆمار کراوە.
ناوبراو سەبارەت بە هاوردە لە عێراقیش وتی” هاوردەی 11 مانگەی ئەمساڵی کۆچی هەتاوی لە عێراق 2 ملیۆن و 200 هەزار تەن بە بەهای زیاتر لە یەک ملیار دۆلار بووە کە ئەم ڕێژەیەش لە ڕووی کێشەوە زیاتر لە هاوردەی ئێران لە عێراق لە ماوەی 20 ساڵی ڕابردوو بووە کە لەو دوو دەیەدا بە گشتی یەک ملیۆن و 312 هەزار و 894 تەن کاڵا بە بەهای یەک ملیار و 333 ملیۆن و 394 هەزار و 861 دۆلار لە عێراق هاوردە کراوە./.
