بە پێی ڕاپۆرتی جام کوردی، دەستەی باڵای گەشتوگوزاری هەرێمی کوردستان ڕایگەیاند کە لە 11 مانگی ساڵی 2021 زیاتر لە 4 ملیۆن گەشتیار سەردانی ئەم ناوچەیان کردووە.
ئامارەکەی دەستەی باڵای گەشتوگوزار باس لەوە دەکات کە لە مانگی کانوونی دووەم تا کۆتایی تشرینی دووەمی 2021، 4 ملیۆن و 93 هەزار و 888 گەشتیار ڕوویان لە هەرێمی کوردستان کردووە.
لەو ئامارەدا هاتووە کە یەک ملیۆن و 957 هەزار گەشتیار، واتە لە سەدا 48 ی کۆی گشتی گەشتیاران، سەردانی پارێزگای هەولێریان کردووە و یەک ملیۆن و 375 هەزار، واتە لە سەدا 34 ی کۆی گشتی گەشتیاران، تایبەت بە پارێزگای سلێمانی بووە.
دەستەی باڵای گەشتوگوزاری هەرێمی کوردستان هەروەها ڕایگەیاندووە کە لەو ماوەیەدا 753 هەزار و 542 گەشتیار، واتە لە سەدا 18 ی کۆی گشتی گەشتیاران، سەردانی پارێزگای دهۆکیان کردووە و ژمارەی ئەو گەشتیارانەش کە سەردانی ناوچەی گەرمیانیان کردووە، 8 هەزار و 130 کەس بووە./.
