بە پێی ڕاپۆرتی جام کوردی، محەممەد موحەقق ئەندامی سەرکردایەتی ئەنجومەنی باڵای خۆڕاگری نیشتمانیی ئەفغانستان لە گەڵ حەسەن کازمی قۆمی نێردەی تایبەتی ئێران بۆ کاروباری ئەفغانستان کۆبووە و وتی کە ئەم ئەنجومەنە لایەنگری شەڕ و توندووتیژی نییە و ئەگەر بەستێنی دانوستانی ناوخۆیی لە ئەفغانستان دابین بکرێت ئامادەی دانوستانە لە سەر چارەسەرکردنی کێشەکانی وڵات.
نێردەی تایبەتی ئێرانیش لەو کۆبوونەوەدا وتی: تاران لایەنگر و پاڵپشتی ئاسایش و سەقامگیری بەردەوامە لە ئەفغانستان و دەیەوێت ئاشتی و سەقامگیری و حکومەتێکی بنکەفراوان لەم وڵاتە ببینرێت.
کازمی قۆمی وتی: ئێران پەیوەندییەکی دۆستانەی لە گەڵ سەرجەم لایەنەکانی ئەفغانستان هەیە و دەیەوێت ڕۆڵی نێوەندگێڕی هەبێت تا لە ڕێگای پێکهێنانی حکومەتێکی گشتگیرەوە ئاسایش و ئاشتی لەم وڵاتە بەدی بکرێت.
نێردەی تایبەتی ئێران هەروەها وتی کە ئاسایش و سەقامگیری ئەفغانستان لە بەرژەوەندی وڵاتانی ناوچەکە و جیهانە./.
