بە پێی ڕاپۆرتی جام کوردی، لە پرۆژەی پێشنیارکراوی بودجەی ساڵی 1401 ی کۆچی هەتاوی ئێران، بودجەی وەزارەتی میراتی کەلتوری، گەشتیاری و پیشەسازی دەستی بەراورد بەمساڵ لە سەدا 54 بەرز بووەتەوە.
بودجەی ئەم وەزارەتە لە ساڵی 1400 ی کۆچی هەتاوی هەزار و 394 ملیار و 322 ملیۆن و 400 هەزار تمەن بووە کە بۆ ساڵی 1401 گەیشتووەتە 2 هەزار و 147 ملیار و 251 ملیۆن تمەن.
لەو پرۆژە پێشنیارکراوەدا بۆ پاراستنی میراتی کەلتوری کۆماری ئیسلامی ئێران یەک هەزار و 138 ملیار و 739 ملیۆن تمەن، بۆ گەشەپێدانی کەرتی گەشتیاری 656 ملیار و 691 ملیۆن تمەن و بۆ پاڵپشتی لە بەرزکردنەوەی ئاست و گەشەی پیشەسازی دەستی 211 ملیار و 572 ملیۆن تمەن لە بەرچاو گیراوە./.
