بەپێی ڕاپۆرتی جام کوردی، بۆ بەشداریکردن لە پاڵەوانیەتیەکی نێودەوڵەتی وەک یاریزانی هەڵبژاردەی عێراق، سامى كه‌ریمى یاریزانى كیك بۆكسینگ له‌ ئاماده‌كارى به‌رده‌وامه‌ .
ئەو گەنجە لە قەزای شارەزوور لە ئێستادا سەرقاڵی خۆئامادەکردنە بۆ دوو پاڵەوانێتی، یەکەمیان پاڵاوتنى ساڵانەی هەڵبژاردەی عێراقە و دووەمیان پاڵەوانێتی ئاسیایە .
سامی کەریم ڕایگەیاند: 5 ساڵ زیاترە یاریزانی کیک بۆكسینگه ‌و پاڵەوانی کوردستانه‌ ، 2 ساڵیشه‌ پاڵه‌وانى عێراق و ئەمساڵیش بەشداری پاڵەوانێتی وڵاتانی عەرەبى کرد وەک یاریزانی هەڵبژاردەی عیراق توانیم مەدالیای ئاڵتون بباته‌وه‌ .
سامى خاوەنی پشتوێنی ئاڵتونه‌ لە ڕێخراوی WKU جیهانی ،کە تا ئێستا هیچ کوردێک ئەو پشتوێنەی نەهێناوە.
ئاماژەی بەوەشکرد: لە ئێستاشدا سەرقاڵی خۆ ئامادەکردنه‌ بۆ بەشداریکردن لە پاڵەوانیەتیەکی نێودەوڵەتی وەک یاریزانی هەڵبژاردەی عیراق.