بە پێی ڕاپۆرتی جام کوردی، ئاژانسی هەواڵی فەرەنسا لە سەر دیاردەی هەڵگرتنی چەک لە ئەمریکا ڕایگەیاندووە کە لە ساڵی 2019 مانگانە نزیکەی 2 ملیۆن و 300 هەزار موڵەتی هەڵگرتنی چەک لەو وڵاتە تاوتوێ کراوە و لە مانگی حوزەیرانی 2020 ئامارەکە گەیشتووەتە 3 ملیۆن و 400 هەزار داواکاری.
هاوکات دامەزراوەی Small Arms بە پێی توێژینەوەیەکی ساڵی 2017 ڕایگەیاندووە کە بۆ هەر 100 ئەمریکی 120 چەک هەیە بەڵام بۆ وڵاتی یەمەن کە بە دووەم وڵاتی خاوەن زیاترین ئاماری هەڵگرتنی چەک لە پاش ئەمریکا دادەنرێت، ئەو ئامارە بۆ هەر 100 کەس 53 چەک بووە.
لەو توێژینەوەدا هاتووە کە لە حەشیمەتی 326 ملیۆن و 474 هەزار کەسیی ئەمریکا مەزندە دەکرێت کە 393 ملیۆن و 347 هەزار چەک لای دانیشتووانی ئەو وڵاتە هەبێت.
ساڵی 2017 لە ئەمریکا زیاتر لە یەک ملیۆن و 73 چەک تۆمار کراوە و 392 ملیۆن و 273 هەزار و 257 چەکی تۆمارنەکراویش لە ئەمریکا بوونی هەبووە./.
