بەپێی ڕاپۆرتی جام کوردی، محەمەد رەمەزانی، نووسەر و وەرگێڕی بەناوبانگی بۆکانی، خەڵاتی کتێبی ساڵی کوردستانی مسۆگەر کرد.
رەمەزانی لە بواری وەرگێڕانی بەرهەمە ئەدەبییەکاندا پێشینەیەکی دوور و درێژ و سەرکەوتووی هەیە و هاوکات نووسەرێکی بەتوانا و دەستڕەنگینی بەرهەمە ئەدەبییەکان بە زمانی کوردییە.
براوەی خەڵاتی کتێبی ساڵی کوردستان، بەکالۆریۆسی زمانی ئینگلیزی لە زانکۆی تاران وەرگرتووە و شارەزای زمانی فەڕەنسیشە.
رەمەزانی بە وەرگێڕانی کتێبی “هەرا و تووڕەیی” لە نووسینی “ویلیام فاکنێر” ناوبانگی دەرکرد و شێوازێکی نوێ لە وەرگێڕانی ڕۆماندا داهێنا.